Mizo tawng hmang Blog tam tak kan neih zingah hriselna lam thu leh hla bik liau liau atana Blog siam hi ka la hre lem lo va. Saptawng hmang thiamte tana hreiselna leh damdawi lam tarlanna website/blog chhiarsen loh an awm laiin Mizo tawng erawh chuan hmuh tur a vang hle a, a rualawhthlak hle bawkin ka hria.
Mi tam takin hriselna kawnga doctor rawn zung zung tur kan hmuh loh avang leh rawn man pawh kan neih remchan loh fo avangin ngawi rengin kan natnate a rukin kan tuar ngawt ngawt thin a nih hi. Chutiang a nih avang tak chuan awlsam zawka hriselna lam thukhawchang chhiar tur a awm theih nan leh, a mamawh zualte tana hriselna/natna chungchanga zawhna zawh theihna remchang siam pahin he blog hi ka han buatsaih ve tawp mai a ni e. Theih ang angin in zawhnate chhan zel kan tum dawn nia. Hmaichhana doctor rawn chu tluk lo mahse kawng tam takah kan tangkaipui tho ka beisei.
Comment lamah zawhna lam pawh a zawh theih tho bakah, 'Doctor Rawnna'-ah hian i harsatnate sawiin doctor i rawn thei a, "Add Comment" tih hi click keuh mai tur a ni. A phek a in 'load' muang deuh mai thei a, dawhtheih deuh pawh a ngai mai thei. A tul chuan email lam thlengin hman tangkai theih turah ngai ila, Contact Me tihah hian min han email dawn nia. Han ti chhin phawt ila, tih dan tha zawk kan la zir chhuak chho zel ang chu. Engti kawng zawng emaw tala he blog tlawhtuten in lo tangkaipui chuan he blog siam chhan hi a hlawhtling tihna a ni ang.
THU ZIAK KALHMANG: Natna chungchang thu ziakte hi mi naran (Medical lama thawk ni lo) hriat thiam theih tura tluangtlam, tawi kimchang sia ziak tum hram hram a ni a. Damdawi lam tawngkam Mizo tawnga lehlin remchang lo tam tak a awm a, chung chu a Saptawngin dah mai loh theih an ni lo a, kan hrethiam tho turah ngai ila. Zawh belh duh tan zawh belh zel theih a ni e.
THU ZIAK KALHMANG: Natna chungchang thu ziakte hi mi naran (Medical lama thawk ni lo) hriat thiam theih tura tluangtlam, tawi kimchang sia ziak tum hram hram a ni a. Damdawi lam tawngkam Mizo tawnga lehlin remchang lo tam tak a awm a, chung chu a Saptawngin dah mai loh theih an ni lo a, kan hrethiam tho turah ngai ila. Zawh belh duh tan zawh belh zel theih a ni e.
